Իրանի արտաքին գործոց նախարար Ապպաս Արաղճի յայտարարած է, որ Հայաստանի արտաքին գործոց նախարար Արարատ Միրզոյեանի հետ հանդիպման ընթացքին քննարկուած է նաեւ Արաքս գետի վրայ նոր կամուրջ կառուցելու հարցը։
«Արմէնփրէս»-ի հաղորդմամբ՝ այս մասին Իրանի արտաքին գործոց նախարարը յայտնած է Հայաստանի Հանրապետութեան արտաքին գործոց նախարար Արարատ Միրզոյեանի հետ միատեղ ասուլիսի ընթացքին։
Իրանցի նախարարը յայտնած է, որ Թեհրան ու Երեւան պատրաստ են պայմաններ ստեղծել տարանցիկ բեռնափոխադրումներու ոլորտին մէջ՝ դիւրացնելով անոնց աշխատանքը։
«Բեռնափոխադրումները դիւրացնելու համար մենք նաեւ հիանալի զրոյց ունեցանք Արաքս գետի վրայ նոր կամուրջ կառուցելու շուրջ», յայտնած է Իրանի արտաքին գործոց նախարարը։