Իրանագէտ Վարդան Ոսկանեանի թելեկրամեան գրառումը․
«Իրանի նորանշանակ արտաքին գործոց նախարար Ապաս Արաղճին յայտարարած է. «Կովկասի տարածաշրջանը Իրանի համար աշխարհաքաղաքական և ռազմավարական կարևորութիւն ունի։ Պատմական, մշակութային և աշխարհագրական մերձաւորութիւնը կրկնապատկած է այս տարածաշրջանի երկիրներուն հետ յարաբերութիւններու ընդլայնումի կարեւորութիւնը»։
Իրանի արտաքին գործոց նախարարին խօսքերը կու գան անգամ մը եւս փաստելու, որ պաշտօնական Թեհրանի արտաքին քաղաքական օրակարգին վրայ Հարաւային Կովկասը այլևս առաջնային շահերու և կարևորութեան գօտի է, ուր Իրան պիտի աշխատի կրկնապատկուած ջանքերով։ Ակնյայտ է նաև, որ իրանական աշխուժութեան կարևորագոյն դրդապատճառն է նաև ՆԱԹՕ-ի անդամ Թուրքիոյ ներկայութեան աճը մեր տարածաշրջանին մէջ, ինչ որ լրացուցիչ մարտահրաւէրներ ի յայտ բերած է ոչ միայն Հայաստանի, այլ նաև Իրանի համար, ուստի անոնց յաղթահարման համար խիստ արդիւնաւէտ կրնայ ըլլալ հայ-իրանական բազմակողմ համագործակցութիւնը, որ կրնայ և պէտք է ստանայ քաղաքակրթական դաշինքի ռազմավարական ձևաչափ, քանի որ այս տարածաշրջանին մէջ հայ-իրանական պատմական և քաղաքակրթական կապերը ամենահինն են, իսկ Հայաստան-Իրան խաղաղութեան սահմանը երկու երկիրներու միջեւ որեւէ ատեն գոյութիւն ունեցած հնագոյն սահմաններէն է»: