23 Մարտին ԵԱՀԿ-ի մէջ Հայաստանի առաքելութեան նախաձեռնութեամբ ԵԱՀԿ Մշտական Խորհուրդի նիստին օրակարգ բերուած է «Լեռնային Ղարաբաղի և անոր շուրջ իրավիճակի սրման գծով Ատրպէյճանի շարունակական յարձակողապաշտ քաղաքականութիւնը և ստանձնած պարտաւորութիւններու խախտումները» ընթացիկ հարցը:
ՀՀ առաքելութեան ղեկավար, դեսպան Արմէն Պապիկեան նիստի ընթացքին հանգամանօրէն անդրադարձած է Արցախի և Հայաստանի Հանրապետութեան դէմ ուղղուած Ատրպէյճանի յարձակողապաշտ քաղաքականութեան, Հայաստան-Ատրպէյճան սահմանային գօտիի իրավիճակի սրման եւ 22 Մարտին հակառակորդի կրակոցէն ՀՀ զինուորական ծառայողի մահացու վիրաւորման դէպքին:
ՀՀ մշտական ներկայացուցիչը ընդգծած է, որ 2020-ին ռազմական գործողութիւններու դադարեցումէն ի վեր Ատրպէյճան կը շարունակէ տարբեր ձևաչափերով ընդունուած եռակողմ և քառակողմ յայտարարութիւններու կոպտագոյն ոտնահարումները և գործնական առումով այդ յայտարարութիւններու ոչ մէկ դրոյթ մնացած է, որ նե՛կայ պահու դրութեամբ Ատրպէյճան խախտած չըլլայ՝ հայ գերիներուն, պատանդներուն, մինչեւ օրս ապօրինի անազատութեան մէջ պահելէն մինչև Լաչինի միջանցքի և տարածաշրջանային հաղորդակցութեան կապերու բացման խոչընդոտումը։
Արմէն Պապիկեան անդրադարձած է Արդարադատութեան միջազգային դասարանի 22 Փետրուար 2023-ի որոշման, որով Ատրպէյճանին պարտադրուած է ձեռնարկել անհրաժեշտ բոլոր միջոցները՝ ապահովելու Լաչինի միջանցքով անձանց, երթեւեկութեան միջոցներու և բեռների երկու ուղղութիւններով անխափան տեղաշարժը:
Մշտական ներկայացուցիչը շեշտած է, որ դատարանի որոշումներն իրավաբանօրէն պարտադիր են, սակայն արդէն աւելի քան 100 օր է Ատրպէյճան կը շարունակէ Լաչինի միջանցքի շրջափակումը, որ կ՚ուղեկցուի Արցախի մէջ մարդաաիրական աղէտ ստեղծելուն ուղղուած գործողութիւններով և կը պարզուի բարձր մակարդակով ցեղային զտումներ իրականացնելու Ատրպէյճանի անթաքոյց քաղաքականութիւնը:
Արմէն Պապիկեան շեշտած է, որ Ատրպէյճան շարունակաբար կը խոչընդոտէ Լեռնային Ղարաբաղ և յարակից շրջաններ փախստականներու եւ ներքին տեղահանուածներու վերադարձը՝ միևնոյն ժամանակ կը վերաբնակեցնէ Լեռնային Ղարաբաղի իր վերահսկողութեան տակ անցած տարածքները՝ ժողովրդագրական պատկերը փոխելու նպատակով:
ՀՀ առաքելութեան ղեկավարը ընդգծած է, որ Ատրպէյճանի նախագահին ռազմատենչ հռետորաբանութիւնը կը միտի ամբողջութեամբ խաթարել Հարաւային Կովկասի մէջ կայունություն հաստատելու ջանքերը և դիմել լայնածաւալ ուժի կիրառման, ինչպէս Հայաստանի Հանրապետության ինքնիշխան տարածքի, այնպէս էլ Լեռնային Ղարաբաղի նկատմամբ։