-Սուրիոյ պասքեթի տղոց ախոյեանութեան աւարտական վեցեակի մրցումներու աւարտին, Դամասկոսի Ուահտէն, Հալէպի Ահլին, Հոմսի Ֆիտաա եւ Համայի նաուաիր խումբերը հասան աւարտական քառեակ, ուր Ուահտէն պիտի մրցի Նաուաիրի դէմ, իսկ Ահլին Ֆիտաաի:

– Կիրակի օր Սուրիոյ պասքեթի դաշնութիւնը հրապարակեց տղոց հաւաքականի սկզբնական կազմը, որ պիտի նախապատրաստուի համաշխարհային պասքեթի մրցումներու զտման փուլին: Հաւաքականին մէջ ներառուեցաւ նաեւ մէկ արհեստավարժ խաղացող, որ պիտի մասնակցի որպէս տեղացի մարզիկ:

12 տարի Լիբանանի ՀՄԸՄ-ի պասքեթի տղոց խումբի մարզիչութեան վերջ տալով, Կիրակի օր Ճո Մուճայէս պաշտօնապէս յայտարարեց, որ հրաժարած է իր պաշտօնէն: Վերջին տարեշրջանին խումբը հասաւ երկրորդ փուլ, ուր երեք անգամ մրցեցաւ Հըքմէի հետ՝ կրելով երեք պարտութիւն, որուն պատճառով խումբը զրկուեցաւ աւարտական քառեակի մասնակցութենէն: Աւելցնենք, որ ՀՄԸՄ-ի Լիբանանի պասքեթի խումբը Ճոյի գլխաւորութեամբ տիրացած է Լիբանանի եւ արաբ երկիրներու ախոյեանութեան, ինչպէս նաեւ արձանագրած է բազմաթիւ յաղթանակներ:

Հինգշաբթի օր բաց յայտարարուեցան 2026-ի համաշխարհային ֆութպոլի մրցումները, որոնք տեղի կ’ունենան միաժամանակ երեք երկիրներու՝ Ամերիկայի, Քանատայի եւ Մեքսիքի  մէջ: Ամերիկայի մէջ մասնակից խումբերը ենթարկուեցան խիստ խուզարկումի եւ հսկողութեան, իսկ որոշ թղթակիցներու մուտքը արգիլուեցաւ:

Մինչեւ Կիրակի  արձանագրուեցան հետեւեալ արդիւնքները.

Մեքսիք – Հարաւային Ափրիկէ 2 – 0

Հարաւային Քորիա – Չեխիա 2 – 1

Քանատա – Պոսնիա 1 – 1

Ամերիկա – Փարակուէյ 4 – 1

Քաթար – Զուիցերիա 1 – 1

Պրազիլ – Մարօք 1 – 1

Հայիթի – Սքոթլանտա 0 – 1

Աւստրալիա – Թուրքիա 2 – 0

Գերմանիա – Քուրասաու 7 – 1

Հոլանտա – Ճափոն 2 – 2