Նիւ Եորքի մէջ, Երեքշաբթի, 23 Սեպտեմբերին սկսաւ ՄԱԿ-ի ընդհ. ժողովի 80-րդ նստաշրջանի ընդհանուր քաղաքական քննարկումը (բարձր մակարդակի շաբաթը) ՝ պետութիւններու և կառավարութիւններու շուրջ 150 ղեկավարներու, ինչպէս նաև արտաքին գործոց նախարարներու մասնակցութեամբ:

«ԹԱՍՍ» գործակալութիւնը տեղեկացուց, որ շաբթուան ընթացքին ղեկավարները կը քննարկեն համաշխարհային հիմնական մարտահրաւէրներ՝ խաղաղութեան ամրապնդում, կայուն զարգացում, մարդու իրաւունքներու պաշտպանութիւն, հաւասարութիւն, արհեստական ​​բանականութեան կառավարում, պայքար անկառավարելի հիւանդութիւններու և հոգեկան խանգարումներու դէմ, ինչպէս նաև կլիմայական փոփոխութիւններու հետևանքներ:

Ժողովը նուիրուած է ՄԱԿ-ի 80-ամեակին, առանցքային նիւթն է «Միասին աւելի լաւ է. 80 տարի և աւելի՝ յանուն խաղաղութեան, զարգացման և մարդու իրաւունքներու»:

Քննարկումներուն կը մասնակցին ՄԱԿ-ի անդամ 193 պետութիւններու ներկայացուցիչներ, դիտորդներ՝ Վատիկանէն և Պաղեստինէն, ինչպէս նաեւ Եւրոպական Միութենէն: Կը սպասուին պետութիւններու, կառավարութիւններու և պատուիրակութիւններու ղեկավարներու ելոյթներ:

Նիստերը տեղի կ՚ունենան 23-29 Սեպտեմբեր, 28 Սեպտեմբերը հանգստեան օր է:

Ընդհ. ժողովի շրջագիծին մէջ տեղի կ՚ունենան երկկողմ հանդիպումներ և թեմատիկ ձեռնարկներ: