Վարչապետ Նիկոլ Փաշինեան 9 Յուլիսին աշխատանքային այցելութեամբ կը մեկնի Արաբական Միացեալ Էմիրութիւններ: Այս մասին յայտնած է վարչապետի մամուլի քարտուղար Նազելի Պաղտասարեան։
«Այսօր Ապու Տապիի մէջ նախատեսուած է Հայաստանի Հանրապետութեան վարչապետ Նիկոլ Փաշինեանի հանդիպումը ԱՄԷ նախագահ Շեյխ Մուհամմետ պըն Զայետ ալ-Նահեանի հետ։
10 Յուլիսին, Հայաստանի եւ Ատրպէյճանի միջեւ խաղաղութեան գործընթացին գծով, Ապու Տապիի մէջ տեղի պիտի ունենայ երկկողմ հանդիպում՝ Հայաստանի Հանրապետութեան վարչապետ Նիկոլ Փաշինեանի եւ Ատրպէյճանի Հանրապետութեան նախագահ Իլհամ Ալիեւի միջեւ», յայտնած է ան: